بسم اللہ الرحمن الرحیم

اِس کمزور قیادت سے جان چھڑاؤ جو امریکہ سے اتحاد

اور اُس کی غلامی میں عزت تلاش کرتی ہے!

واحد مسلم ایٹمی قوت اور دنیا کی چھٹی بڑی فوج کےآرمی چیف ،جنرل باجوہ نے 23 اگست 2017 کو پاکستان میں امریکی سفیر سے ملاقات کی۔ یہ ملاقات امریکی صدر ڈونلڈ ٹرمپ کی جارحانہ تقریر کے صرف دو دن بعد ہوئی ۔ ٹرمپ کی یہ تقریر پاکستان کے اُن زخموں پر نمک چھڑکنے کے مترادف ہے جو اس نے پچھلے 16 سالوں میں کھائے ہیں جب سے امریکہ نے مسلمانوں کے خلاف صلیبی جنگ کا آغاز کیا ہے جسے وہ نام نہاد “دہشت گردی کے خلاف جنگ” کا نام دیتا ہے۔ جنرل باجوہ کو چاہیے تھا کہ وہ فوری طور پر امریکہ کی صلیبی جنگ سے علیحدگی کا اعلان کرتے ، امریکی سفیر کورُسوا کر کے ملک بدر کرتے اور ملک بھر سے امریکی سی آئی اے، ایف بی آئی ، نجی عسکری تنظیموں اور ریمنڈ ڈیوس نیٹ ورک کو اکھاڑ پھینکتے جو ملک بھر میں دھماکے کرواتے ہیں تا کہ ہماری افواج کو قبائلی علاقوں میں امریکہ کی جنگ لڑنے پر مجبور کیا جاتا رہے۔ لیکن ان اقدامات کی جگہ جنرل باجوہ نے انتہائی کمزور موقف اپناتے ہوئے آئی ایس پی آر کی پریس ریلیز کے ذریعے یہ اعلان کیا کہ، “ہمیں امریکہ سے کسی بھی مالی یا مادی امداد کی ضرورت نہیں بلکہ ہم اعتماد اور اپنی خدمات کا اعتراف چاہتے ہیں”۔

اے پاکستان کے مسلمانو اور خصوصی طور پر پاکستان کی افواج!

حزب التحریر ولایہ پاکستان آپ سے یہ سوال پوچھتی ہے کہ باجوہ کس سے اعتماد،خدمات کا اعتراف اور عزت کرنے کو کہہ رہا ہے؟! یہ امریکہ کو ن ہے جس سے جنرل باجوہ اب بھی اتحاد برقرار رکھے ہوئے ہے؟ امریکہ وہ ناقابل اعتبار استعماری ریاست ہے جو دنیا کی سب سے بڑی اور وسائل سے بھر پور دہشت گرد تنظیم ، سی آئی اے، کو پال پوس رہی ہے۔ یہی دہشت گرد تنظیم سی آئی اے، پوری دنیا میں ،جنوبی امریکہ سے لے کر جنوب مشرقی ایشیا تک امریکی خارجہ پالیسی کے نفاذ کے لئے false flag operations ، بم دھماکے اور قتل کروانے کی ذمہ دار ہے۔ امریکہ ایک بد لحاظ سرمایہ دار ریاست ہے جس نے اقوام کو اُن کے قدرتی و صنعتی وسائل سے محروم کرنے کے لیے آئی ایم ایف اور عالمی بینک جیسے ادارے بنائے، اور ان ممالک کو ایسےسودی قرضوں میں جکڑ دیا جو غریبوں پر لگائے جانے والے کمر توڑ ٹیکسوں کے باوجود بھی ادا نہیں کیے جاسکتے۔ امریکہ ایک متکبر، سیکولر ریاست ہے جو اللہ سبحانہ و تعالیٰ کی اس زمین میں قیادت کی حقدار نہیں کیونکہ اُس نے واضح طور پر یہ اعلان کررکھا ہے کہ اُسے امریکی مفاد کو حاصل کرنے کے لئے باقی تمام دنیا کی کوئی پرواہ نہیں۔ اپنے سرمایہ داروں کی لالچ اور ہوس کو پورا کرنے کے لئے امریکہ نے عورتوں،بچوں اور بوڑھوں پر بڑے پیمانے پر تباہی پھیلانے والے ہتھیار استعمال کیے اور اپنےبے غیرت اور بزدل فوجیوں کو دوسری اقوام کے لوگوں کی زندگیوں، عزتوں اور اموال کو پامال کرنے کے لیے کھلا چھوڑ دیا۔

اس قسم کے جارح دشمن سے اتحاد کر کے ہم کیسے عزت اور اعتماد کی امید رکھ سکتے ہیں جبکہ اللہ سبحانہ و تعالیٰ نے ہمیں خبردار کیا ہے کہ،

الَّذِينَ يَتَّخِذُونَ الْكَافِرِينَ أَوْلِيَاءَ مِن دُونِ الْمُؤْمِنِينَ أَيَبْتَغُونَ عِندَهُمُ الْعِزَّةَ فَإِنَّ الْعِزَّةَ لِلَّهِ جَمِيعًا

“جن کی حالت یہ ہے کہ مسلمانوں کو چھوڑ کر کافروں کو دوست بناتے پھرتے ہیں، تو کیا اُن کے پاس عزت کی تلاش میں جاتے ہیں؟ (تو یاد رکھیں کہ) عزت تو ساری کی ساری اللہ تعالیٰ کے قبضے میں ہے”(النساء:139)۔

تو اے مسلمانو ہمیں امریکہ سے کیسے عزت مل سکتی ہے؟! صلیبی امریکی کبھی ہمیں عزت نہیں دیں گے چاہے ہمارےمزیددسیوں ہزاروں شہری اس فتنے کی آگ میں جلا دیے جائیں اور چاہے اُتنے ہی مزید فوجی افسران اور جوان اس امریکی صلیبی جنگ کا ایندھن بنا دیے جائیں۔ تو ہم کب تک باجوہ جیسے حکمرانوں کو برداشت کرتے رہیں گے جواپنی عزتِ نفس کی پرواہ کیے بغیر ایک ناشکرے اور ظالم آقا کی غلامی کو قبول کرتے ہیں ؟

اے پاکستان کے مسلمانو اور خصوصی طور پر پاکستان کی افواج!

حزب التحریر ولایہ پاکستان آپ سے یہ پوچھتی ہے کہ آخر جنرل باجوہ اِس کمزور موقف کے ساتھ کس کی نمائندگی کررہا ہے؟ کیا ہم اتنے گئے گزرے ہیں کہ باجوہ ہمارے دشمنوں سے اتحاد کر کے ان کے سامنے ہمیں بے عزت اور بے توقیر کرتا ر ہے؟ ہم ایک عزت دار فوج اور معزز قوم ہیں جو کہ اللہ سبحانہ و تعالیٰ اور اس کے رسول ﷺ سے گہری محبت رکھتے ہیں۔ ہم ایک بہادر فوج اور زندہ دل قوم ہیں جو ظلم کے خلاف مزاحمت کرنے کا قابل فخر ورثہ اور تاریخ رکھتی ہے۔ اس اسلامی میراث اور تاریخ کی ابتداء خلافت راشدہ سے ہوئی ،پھر اسلام برصغیر پاک و ہند میں صدیوں تک بالادست رہا، پھر برطانوی راج کے خلاف عظیم ترین مزاحمتی جدوجہدہوئی ،پھر اگست 1947ء میں عظیم اور شاندار قربانیوں کے بعد اسلام کے نام پر ایک ریاست قائم ہوئی اور اب امریکی راج کے ظلم اور ناانصافیوں کے خلاف شدید مزاحمت جاری ہے۔ ہم ایک با صلاحیت فوج اور قابلیت سے مالا مال قوم ہیں جو اللہ سبحانہ و تعالیٰ کے کلمے کو بلند کرتے وقت اپنے شہیدوں کی گنتی نہیں کرتے ۔

ہم ایک طاقتور ،قابلِ احترام فوج اوراہل قوم ہیں جو نبوت کے طریقے پر ایک مضبوط اورمستحکم خلافت کے قیام کانقطہ آغاز بننے کی صلاحیت رکھتے ہیں ، وہ خلافت جو اسلام کو نافذ کرے گی اور پوری امت کو وحدت بخشے گی اور دنیا کودوبارہ ایک ایسی عادل قیادت فراہم کرے گی جس کا اقوام عالم کو ایک عرصے سے انتظار ہے۔ اللہ سبحانہ و تعالیٰ نے فرمایا،

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ ۗ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم ۚ مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ

“تم بہترین امت ہو جو لوگوں کے لیے پیدا کی گئی ہے کہ تم نیک باتوں کا حکم کرتے ہو اور بری باتوں سے روکتے ہو،اور اللہ پر ایمان لاتے ہو، اگر اہل کتاب بھی ایمان لاتے تو ان کے لیے بہتر تھا، ان میں ایمان والے بھی ہیں لیکن اکثر تو فاسق ہیں”

(آل عمران:110)۔

تو آخر ہم کب تک ہاتھ پر ہاتھ دھرے انتظار کرتے رہیں گےبجائے اسکے کہ ہم نبوت کے طریقے پر خلافت کے قیام کے لیے آگے بڑھیں؟ یقیناً جمود کا شکار شخص صرف اپنے دشمنوں کو خود پر حملہ کرنے کے لئے مزید وقت فراہم کرتا ہے جبکہ مخلص اور باخبر مومن اللہ تعالیٰ کے حکم کے مطابق عمل کرتے ہوئے وقت کو اپنی مٹھی میں کر لیتا ہے ، فوراً آگے بڑھتا ہے اور دشمن کے دانت کھٹے کردیتا ہے۔

اے افواج پاکستان کے مسلمانو!     

کافر استعماریوں کے ساتھ ستر سال کے اتحاد نے یہ ثابت کیا ہے کہ یہ اتحاد غداری، ذلت و رسوائی اور عدم تحفظ کا راستہ ہے۔ صلیبیوں کے ساتھ پچھلے سولہ سال کے اتحاد نے آپ کو ایسی فوجی قیادت دی جنہوں نے ریٹائرمنٹ کے بعد اپنی پر آسائش زندگی کو یقینی بنانے کے لیےہمارے تحفظ اور آپ کے خون کا سودا کیا ۔ صلیبیوں کے ساتھ اتحاد نے آپ کو مشرف دیا جس نے افغانستان پر امریکی حملے اور قبضے کے لیے ہمارے فضائی راستے، سرزمین اور انٹیلی جنس امریکہ کو فراہم کیں جبکہ امریکہ مشرف کی اس مددکے بغیر کسی صورت افغانستان پر قبضہ نہیں کرسکتا تھا۔ صلیبیوں کے ساتھ اتحاد نے آپ کو کیانی اور راحیل دیےجنہوں نے آپ کی طاقت و قوت کو قبائلی علاقوں میں استعمال کیا تا کہ افغانستان میں بزدل صلیبی افواج کو تحفظ فراہم کیا جاسکے۔حالانکہ اگر امریکہ کو یہ مدد فراہم نہ کی جاتی توآج سے بہت پہلے ہی امریکہ “سلطنتوں کے قبرستان ” میں دفن ہو چکا ہوتا جیسا کہ اس سے پہلے برطانوی راج اور سوویت یونین کو دفنایا گیا تھا۔ اور اب اِن صلیبیوں کے ساتھ اتحاد نے آپ کو باجوہ دیا ہے جو ناقابل اعتبار اتحادی کے ساتھ اتحاد کو جاری رکھتے ہوئے افغان طالبان کو مذاکرات کے جال میں پھنسانے کی کوشش کررہا ہے تا کہ تھکی ماندی امریکی فوج کی ہمارے دروازے پر موجودگی کو سیاسی جواز میسر آجائے۔

آخر اِ ن جیسے گھٹیا اور لالچی لیڈروں کو کیسے برداشت کیا جاسکتا ہے کہ وہ مسلمانوں کی افواج کی قیادت کریں جبکہ ہماری افواج اپنے دلوں میں اللہ سبحانہ و تعالیٰ کے اس فرمان کویاد رکھتی ہیں،

يَوْمَ لا يَنْفَعُ مَالٌ وَلا بَنُونَ * إِلاَّ مَنْ أَتَى اللَّهَ بِقَلْبٍ سَلِيمٍ

“جس دن کہ مال و اولاد کچھ کام نہ آئے گی۔ لیکن فائدے والا وہی ہے جو اللہ تعالیٰ کے سامنے بے عیب دل لے کر جائے”(الشعراء:89-88)؟

اے امت کے شیرو! تم کب تک ان بکے ہوئےکمزور لیڈروں کی زنجیروں میں جکڑے رہو گے؟ ابھی اور اسی وقت حزب التحریر کو نبوت کے طریقے پر خلافت کے قیام کے لیے نصرۃ فراہم کرو اور اس معزز امت کی حمایت اوردعائیں لو۔ اس پکار پر لبّیک کہو!

بسم اللہ الرحمن الرحیم