پریس ریلیز

ڈاکٹر افتخار کو فوراً رہا کرو

ایک بیمار کو ہسپتال کے دروازے سے اغوا کر کے “اغوا کار” راحیل-نواز حکومت نئی پستیوں میں اتر گئی ہے

        26 مئی 2015 کو “اغوا کار” راحیل-نواز حکومت اسلام کو کچلنے کی امریکی مہم کو کامیاب بنانے کے لئے اُس وقت پستیوں کی نئی گہرائیوں میں اتر گئی جب اس کے غنڈوں نےحزب التحریر کے شاب ڈاکٹر افتخار کو “گُھرکی ہسپتال” کے دروازے سے اغوا کرلیا جہاں وہ آنت کی شدید تکلیف کے علاج کے لئے گئے تھے۔ ڈاکٹر افتخار، ظہر کے وقت اپنے آفس، جہاں وہ لیکچرار کی حیثیت سے کام کرتے ہیں، سے “گُھرکی ہسپتال” کے لئےنکلے۔ ہسپتال کے دروازے پر حکومت کے غنڈوں نے کچھ جدوجہد کے بعد انہیں اغوا کر کے لے گئے جس کے کئی لوگ شاہد ہیں اور انہی لوگوں نے ڈاکٹر افتخار کے گھر والوں کو اس واقع سے مطلع کیا۔ ڈاکٹر افتخار کو السر کی شدید تکلیف ہے جس کے نتیجے میں ان کے جسم سے خون نکلنا شروع ہو جاتا ہے اور وہ شدید کمزوری کا شکار ہو جاتے ہیں۔ اس بیماری کے علاج کے لئے وہ بہت طاقتور ادویات استعمال کرتے ہیں جس میں روزانہ سٹیرائڈز اور سیکلوسپیرین کا استعمال بھی شامل ہے۔ انہیں مستقل بنیادوں پر سرجن سے معائینہ کرانا پڑتا ہے کیونکہ صحت کی خرابی کی بنا پر انہیں اپنی آنتوں کا کسی بھی وقت ہنگامی بنیادوں پر آپریشن کروانے کی ضرورت پیش آسکتی ہے۔

        شدید اور مستقل تکلیف کے باوجود ڈاکٹر افتخار پاکستان میں خلافت کے قیام کی سیاسی جدوجہد میں پیش پیش رہے۔ وہ راولپنڈی میڈیکل کالج کے گریجویٹ ہیں۔ وہ  گُھرکی ہسپتال میں رجسٹرار اور لاہور میڈیکل اینڈ ڈینٹل کالج میں پڑھاتے بھی ہیں۔ اسلام کے وسیع اور گہری معلومات، امت کے دکھ درد کا شدید احساس رکھنے، انکساری اور اخلاص کی بنا پر وہ اپنے اہل و اعیال، ساتھیوں اور شاگردوں میں انتہائی احترام کی نظروں سے دیکھے جاتے ہیں۔

        حزب التحریر اس “اغوا کار حکومت” کی جانب سے ایک شدید بیمار شخص کو ہسپتال کے دروازے سےاغوا کرنے کی شدید مذمت کرتی ہے۔ اس اغوا کار حکومت کا یہ گھناونہ عمل اس بات کا ثبوت ہے کہ اسے کسی اسلامی قدر کا خیال نہیں جس میں بیمار اور کمزور پر رحم بھی شامل ہے۔ حزب حکومت سے مطالبہ کرتی ہے کہ وہ اس معزز اور صالح شخص کو فوراً رہا کرے کیونکہ ہم جانتے ہیں کہ اس سے پہلے بھی حزب کے جن شباب کو اغوا کیا گیا انہیں طویل عرصے تک جگائے رکھنا، جسمانی تشدد اور بجلی کے جھٹکے تک دیے گئے۔ لہٰذا اگر ڈکٹر افتخار کو کچھ ہوا تو حزب اس کا ذمہ دار مکمل طور پر اس “اغواکار” حکومت کو قرار دے گی۔ اس کے علاوہ حزب اس ظالم حکومت کو انشاء اللہ آنے والی خلافت کی عدالتی کاروائی سے خبردار کرتی ہے جو اس ظلم کے ذمہ داران کو قطعاً معاف نہیں کرے گی اور اس سے بھی بڑھ کر اللہ سبحانہ و تعالی کے عذاب سے خبردار کرتی ہے جو اس کے نیک بندوں پر ظلم کرنے کے نتیجے میں مقدر بن سکتا ہے۔ اللہ سبحانہ و تعالٰی ایک حدیث قدسی میں فرماتے ہیں کہ،

مَنْ عَادَى لِي وَلِيًّا فَقَدْ آذَنْتُهُ بِالْحَرْبِ”

جس کسی نے میرے دوست کو نقصان پہنچایا میں اس کے خلاف اعلان جنگ کرتا ہوں”

(البخاری)۔

        حزب التحریر افواج پاکستان کے افسران سے پوچھتی ہے کیا اب بھی آپ پر واضح نہیں ہوا کہ حکومت دشمن امریکہ کے سامنے بزدل اور کمزور بن جاتی ہے اور ان سے عزت و شہرت طلب کرتی ہے لیکن ایمان والوں اور اسلام کے خلاف سختی اور انہیں کچلنے کی کوشش کرتی ہے؟ کیا اب بھی وقت نہیں آیا کہ آپ حکومت کا ہاتھ پکڑ لیں جو اس نے ان لوگوں کے خلاف اٹھا رکھا ہے جو اللہ کے دین اسلام کو ایک نظام زندگی کے طور پر نافذ کرنے کی جدوجہد کرتے ہیں؟ اس کھلے ظلم اور ناانصافی کا خاتمہ کرو اور مشہور فقیہ اور سیاست دان شیخ عطا بن خلیل ابو الرشتہ کی قیادت میں حزب التحریر کو پاکستان میں خلافت کے قیام کے لئے نصرۃ فراہم کرو۔

وَمَا نَقَمُوا مِنْهُمْ إِلاَّ أَن يُؤْمِنُوا بِاللَّهِ الْعَزِيزِ الْحَمِيدِ

“یہ لوگ ان مسلمانوں (کے کسی گناہ کا) بدلہ نہیں لے رہے، سوائے اس کے کہ وہ اللہ غالب لائق حمد کی ذات پر ایمان لائے تھے” (البروج:08)

ولایہ پاکستان میں حزب التحریر کا میڈیا آفس